На 22 март, 2011 г., во Советот за човекови права на ОН над осумдесет земји ја поддржаа изјавата за „запирање на актите на насилство и поврзаните повреди на човековите права засновани на сексуалната ориентација и на родовиот идентитет“. Меѓу земјите што ја поддржаа оваа изјава беше и Република Македонија, која на 18 декември, 2008 г., во Генералното собрание, ја има потпишано и заедничката изјава за „човековите права, сексуалната ориентација и за родовиот идентитет“.